Минатиот викенд во Белгија се играше последното коло од регуларниот дел во Жупилер лигата, а во дербито се сретнаа актуелниот шампион Антверпен и лидерот на табелата Унион сен Жил, кој помина во знакот на неверојатната одлука на главниот судија и на судијата во ВАР-собата.
Мечот заврши без победник, 1:1, а сите главни моменти од мечот се случија во последните 20 минути. Прво гостите останаа со играч помалку, а потоа и поведоа, па Антверпен во втората минута од судиското продолжение се спаси од пораз.
Но, голот за 1:1 ги зачуди сите бидејќи од прегледување на снимката, јасно се гледа дека стрелецот на голот, Жирано Керк, играше со рака, и тоа двапати, по што ја смести топката во мрежата.
Но, судијата во ВАР-собата и главниот судија одлучија да го признаат голот.
Union Saint-Gilloise 1 – [1] Antwerp – Gyrano Kerk 90+2′. Allowed goal after VAR check despite clear handball.
byu/DieuMivas insoccer
