Прославениот романски тренер Мирчеа Луческу вчера кога започнаа воените напади на Русија врз Украина имаше една храбра изјава. Тренерот на Динамо Киев изјави дека не е кукавица да бега од главниот град на Украина, но преку ноќ се предомисли.
„Нема да го напуштам Киев и да се вратам во Романија. Не сум кукавица. Се надевам дека оваа војна која започнаа идиоти, набрзо ќе заврши. Никогаш не верував дека може да се случи ова“, рече Луческу.
Dynamo Kyiv manager Mircea Lucescu: “All sporting activity in Ukraine was suspended for 30 days. I will not leave Kyiv to return to Romania, I’m not a coward. I hope these big people with no brains will stop this war. I never thought this was possible” pic.twitter.com/XSDbrwh9JN
— Emanuel Roşu (@Emishor) February 24, 2022
Сепак по првичните жестоки напади врз Киев, Луческу се предомисли. Заедно со своите помошници од стручниот штаб избега од Украина. Тие со автомобил возеле преку 1.000 километри и преку Молдавија, вечерва пристигнале во романската престолнина Букурешт.
Луческу добар дел од животот го помина во Украина. Од 2004 до 2016 година беше тренер на Шахтар Донецк, а од 2020 година седна на клупата на големиот ривал Динамо Киев.