Кошаркарите на Сан Антонио спарс го победија Лос Анџелес лејкерс на гостински терен со 126-102, и тоа откако средината на третата четвртина губеа со двоцифрена разлика.
Резултатот беше 84-74 во корист на ЛА лејкерс во третата четвртина, по што Виктор Вембањама ги презеде работите во свои раце, целосно доминираше над Ентони Дејвис и ги одведе Спарс до победата.
The Lakers were up 84-74 late in the 3rd quarter, since then the Spurs are on a 40-14 run. Victor Wembanyama has completely controlled the game defensively affecting almost every possession.
— Hot Hand Theory (@HotHandTheory) January 14, 2025
Oh ya, and he can do stuff like this against Anthony Davis.pic.twitter.com/sd6rqdfbLI
Каков натпревар одигра францускиот репрезентативец најдобро говори потегот на тренерот на Лејкерс, Џеј Џеј Редик, кој по завршувањето на натпреварот му пријде на Вембањама и го замоли да ги поздрави неговите деца, што младата НБА ѕвезда и го направи.
JJ Redick, who just lost his home to the Los Angeles fires, asked Victor Wembanyama to say hi to his kids…
— WembyMuse (@Wemby_Muse) January 14, 2025
Wemby and CP3 more than delivered ❤️ pic.twitter.com/qKWC05C0e7
Вембањама постигна 23 поени, осум скокови и пет асистенции. Ист број на поени постигнаа и Касл и Васел. Касл додаде четири скокови, а Васел шест скокови и четири асистенции. Барнс го заврши натпреварот со 17 поени, четири скокови и три асистенции, додека Пол придонесе со 13 поени, десет асистенции и два скока. Џонсон беше уште еден играч со двоцифрен ефект, постигнувајќи десет поени, три асистенции и два скока.
Кај ЛА лејкерс, најдобар беше Ентони Дејвис со 30 поени, 13 скокови и две асистенции, додека Леброн Џејмс додаде 18 поени, осум асистенции и пет скокови. Ривс го заврши натпреварот со 12 поени, осум асистенции и пет скокови, а Кристи постигна десет поени.
Резултати: Вашингтон – Минесота 106-120, Њујорк – Детроит 119-124, Торонто – Голден Стејт 104-101, Хјустон – Мемфис 120-118, ЛА клиперс – Мајами 109-98, ЛА лејкерс – Сан Антонио 102-126.
