Лајпциг станува вистински кошмар за Борусија Менхенгладбах. Со денешниот тирумф од 2-0, тимот на Лајпциг веќе пет меча останува непоразен против моментално второпласираната екипа во Бундеслигата. Во пет меѓусебни средби, Лајпциг брои три победи и две ремија.
Денес главен актер на пресметката беше Тимо Вернер. Германскиот голгетер ја стресе мрежата на гостите по само три минути игра, а конечните 2-0 ги постави во првата минута од судиското надополнување во првото полувреме.
Лајпциг со овој триумф изби на третото место со 25 бода, со еден бод повеќе пред Баерн, додека Менхенгладбах остана на второто место со 26 бода по 13 меча во германскиот шампионат.
