Голден Стејт вориорс кој е бранител на титулата во НБА лигата, за 18 дена си дозволи два тешки порази на домашен терен, и два порази од најслабите екипи на Западот, што е сигнал дека тимот не е во потребната форма пред плејофот.
Далас маверикс славеше со 35 разлика во „Оракл арената“, оставајќи ги во шок домашните фанови. Ова е најтежок пораз сезонава за Вориорс и нивен најголем дебакл на свој терен откако на клупата им е тренерот Стив Кер. Можеби мало оправдување е неиграњето на Стеф Кари, Шон Ливингстон и Ендрју Богут, но дефинитивно нешто не е во ред. Пред 18 дена, Бостон славеше во истата сала со 33 разлика, а пред 13 дена, „воините“ беа поразени од слабиот Феникс. Без Кари, Вориорс е тим кој има ист број на победи и порази.
Ветеранот Дирк Новицки даде 21 поен (негов сезонски рекорд), и со пет тројки беше предводник на „дивите телиња“. Лука Дончиќ го направи шестиот трипл-дабл во НБА. Далас даде 21 тројка, а Вориорс само 4. После поразот, Голден стејт го загуби првото место на Западот и сега нов лидер е Денвер нагетс. Маверикс губеше на претходните 12 гостувања во Оукленд, но оваа победа ќе ја паметат.
РЕЗУЛТАТИ: Вашингтон – Мајами 108-113, Атланта – Филаделфија 129-127, Чикаго – Јута 83-114, Мемфис – Минесота 99-112, Голден Стејт – Далас 91-126, Портланд – Детроит 117-112, Сакраменто – Феникс 112-103.
Погледнете дел од акциите на европските ѕвезди:
👏 @swish41 pours in 5 threes en route to scoring a season-high 21 PTS for the @dallasmavs! #MFFL pic.twitter.com/UHEpzxF7Ht
— NBA (@NBA) March 24, 2019
23 PTS | 11 REB | 10 AST@luka7doncic notches his sixth triple-double of the season in the @dallasmavs road W! #NBARooks #MFFL pic.twitter.com/vkAZQ61Rd7
— NBA (@NBA) March 24, 2019
