Популарните „чекани“, играчите на Вест Хем со реми без голови ја сопреа серијата на Челзи од пет победи по ред на стартот од сезоната во Премиерлигата.
И двете екипи имаа одлични шанси за гол и за победа, но мрежите на Фабијански и на Аризабалага мируваа.
Сега и традицијата е против шансите на Челзи да биде шампион, а вели дека екипа која ги добила сите шест стартни натпревари во англискито првенство секогаш ја освојувала титулата. Во моментов, по денешното реми во лондонското дерби само Ливерпул има максимален биланс од шест победи.
Зад него се Манчестер сити и Челзи со по пет победи и едно реми.
