Со гол буквално во последните секунди од мечот, Бразил ја победи Колумбија со 2:1 во квалификациите за пласман на Светско првенство 2026 година. По 13 одиграни кола, Бразил сега има 21 бод и се искачи на второто место на табелата веднаш зад лидерот Аргентина, која има 25 бодa и еден меч помалку, а тоа е денешното гостување кај Уругвај. Колумбија остана на 19 бода и е шеста на табелата.
Големите ѕвезди во двата тима беа во фокусот на вниманието во Бразилија. Кариоките поведоа со голот на Рафиња од пенал во шестата минута, додека Колумбија израмни благодарение на голгетерот од Ливерпул, Луис Дијас во 41-вата минута.
Во второто полувреме Бразил имаше повеќе шанси, но Колумбија добро се бранеше, се до 90+9 минута. Тогаш Винисиус јуниор со еден перфектен шут од далечина го матираше гостинскиот голман, за голема радост на домашните фанови на трибините.
🚨🌎 GOAL | Brazil 2-1 Colombia | Vinicius Jr
WHAT A FANTASTIC GOAL FROM VINICIUS JR TO WIN IT FOR BRAZIL IN THE 99TH MINUTE !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!pic.twitter.com/u4vFJ26VDz
— Tekkers Foot (@tekkersfoot) March 21, 2025
Во останатите мечеви кои се одиграа утрово, Парагвај славеше над Чиле со 1:0, а домашниот терен го искористи и Перу, кој со 3:1 беше подобар од Боливија.
