Интер не успеа да победи во Фиренца, а фаворитот ги загуби бодовите во судиското продолжение, кога прими гол за израмнување на 1:1.
Српскиот интернационалец Душан Влаховиќ со еврогол ги шокира гостите, кои веќе ги прокнижија бодовите.
Претходно уште еден играч што настапуваше за Фиорентина постигна гол, но за Интер, и тоа водечки. Борха Валеро погоди за Интер против својот претходен клуб, а гостите од Милано водеа од осмата минута.
Клучниот момент се случи во втората минута од судиското продолжение, а Интер прокоцка шанса повторно да му побегне на Јувентус на врвот на табелата.
Сега двете екипи се израмнети со по 39 бодови. Фиорентина остана без триумф и на шестиот меч по ред во Серија А, но домаќините можат да бидат задоволни што избегнаа пораз и сега имаат 17 бода на 13-тата позиција.
