Арсенал повторно има маки со дисциплината со играчите, а тоа трае подолг период од инцидентот со Колашинац и Озил, кои беа нападнати од непознати хулигани, па со чудните испади на Џака и на Пепе, повторно со неиграњето на Озил, а сега на ред дојде и капитенот Пјер-Емерик Обамејанг.
Тој ја напуштил Англија пред неколку дена и заминал за родната земја Габон, па нема да настапи ниту на дербито со Манчестер јунајтед викендов што следи.
Менаџерот на Топчиите потврди дека Обамејанг ја напуштил Англија, а се претпоставува дека причината е болеста на неговата мајка.
Проблем за Арсенал е што и по враќањето, капитенот нема да може веднаш да игра бидејќи ќе мора да биде одреден период во карантин.
