Хрватскиот репрезентативец и член на Барселона Иван Ракитиќ би можело да го напушти шпанскиот гигант по крајот на сезоната. Според тврдењата на италијанските медиуми, Интер ќе биде нова дестинација на Ракитиќ, наводно Барселона ќе прифати понуда од 90 милиони евра, што е за 30 милиони пониска од откупната клаузула на фудбалерот, додека веќе е подготвена и годишна плата од пет милиони евра, плус бонуси.
Причина за оваа одлука на Хрватот се идните засилувања на Каталонците, Френки де Јонг и најверојатно Адриен Рабио, а Ракитиќ смета дека ќе го загуби стартното место во составот поради зголемената конкуренција. Покрај нив, Барса смета уште на Артур, Бускетс, Видал, Кутињо, Алења како опции во средината.
Иако триесетгодишниот Ракитиќ пред извесно време истакна дека би сакал да ја продолжи кариерата на „Камп ноу“, претседателот на клубот Хосеп Бартомеу дал зелено светло за продажба на врвниот играч за врска.
o_widget id=custom_html-5]
