Барселона вчера ја запиша 16-тата лигашка победа во дербито на гости кај Севилја со 2-0 и дојде на само минус два бода од лидерот Атлетико Мадрид на табелата во Ла Лига. Каталонците доминираа на „Рамон Санчес Писхуан“ во мечот кој го одбележа Лионел Меси со погодок и асистенција, но мал момент на блесок имаше и новиот „бисер“ на Каталонците, Илаиш Мориба.
Ова талентирано момче пред месец и пол наполни 18 години и веќе го запиша вториот лигашки настап за тимот на Роналд Куман, во кој ја забележа втората асистенција. Во комбинација со Меси, Мориба му сервираше погодок на својот капитен, па така во вкупно 83 одиграни минути Мориба има два наместени гола, откако претходно еден сервираше во убедливата победа од 5-1 над Алавес пред две недели.
По мечот, Мориба му се поклони на Куман во знак на благодарност што му даде шанса да ги одигра последните 19 минути од средбата. Покрај огромниот потенцијал и талент, скромноста на младиот играч за врска му е исто така добра карактеристика, а најавите се дека иднината на каталонскиот гигант е во добри раце.
En @MontonJordi ha seguit Ilaix Moriba al final del partit, amb la càmera de TV3. La reverència a Koeman il.lustra l’alegria del moment, l’agraïment per la confiança en els joves i les ganes de triomfar al Barça. #fcbarcelona pic.twitter.com/QW3Bm7uOyn
— Francesc Latorre (@FrancescLatorre) February 27, 2021