Марио Манџукиќ утре се враќа во стртните 11 на Јувентус во дуелот против Парма. Хрватскиот напаѓач се здоби со повреда на бедрото и се очекуваше паузата да биде долга, но тренерот Макс Алегри потврди дека Манџукиќ утре ќе биде партнер на Кристијано Роналдо во нападот.
„Манџукиќ се оправи и е подготвен, утре ќе игра покрај Роналдо, додека ќе треба да се одлучам меѓу Дибала, Коста и Бернардески за конмплетирање на напаѓачката тројка“, истакна Алегри.
Манџукиќ ги пропушти последните четири натпревари за Јувентус, меѓу кои беше и Суперкупот на Италија против Милан, во кој „старата дама“ го освои трофејот со голот на Кристијано Роналдо.
Дуелот против Парма е закажан за утре со почеток од 20:30 часот.
