Првите луѓе на Баерн Минхен може да бидат мирни, иако официјално уште немаат најдено тренер за постојано. По заминувањето на Нико Ковач, улогата на прв тренер ја презеде Ханс-Дитер Флик и засега баварскиот гигант игра одлично.
Флик е на чело на Баерн на четири меча и веќе постави рекорд. Тој е стратегот со најдобар старт во историјата на клубот. Ниту еден друг тренер претходно немал четири победи во четири меча и гол-разлика од 16 дадени и ниту еден примен гол. Уште поимпресивно е тоа што на двете гостувања кај Фортуна и Црвена ѕвезда, Баерн даде дури 10 гола.
Официјално Флик ќе биде на чело на Баерн до крајот на годината, а потоа треба да се најде и долгорочно решение за прв тренер. Доколку Флик продолжи со вакви резултати, нема да биде изненадување ако тој добие и долгорочен договор со гигантот од „Алијанц арената“.
