Поранешниот фудбалер на Манчестер јунајтед, Вејн Руни, смета дека Ерлинг Халанд, моментно е најдобар фудбалер на светот.
„Лионел Меси е најголем на сите времиња, но во овој момент никој не игра како Ерлинг. Иако и јас соборував рекорди на својата позиција Халанд е нешто неверојатно. Тој е најдобар на светот поради фантастичната статистика, поради начинот на игра и поради менталитетот“, вели Руни кој моментно е тренер на екипата на Ди Си јунајтед во МЛС лигата.
Халанд минатото лето пристигна во Манчестер сити и досега на 42 натпревари постигна дури 48 гола, од кои 32 даде во Премиер лигата.
