Соиграчот на Елиф Елмас во Фенербахче, Миха Зајц, со удар со глава во 34.-тата минута ѝ донесе предност на Словенија од 1-0 против Македонија, на вториот квалификациски меч во групата Г за настап на Европското првенство во 2020 година.
Зајц го искористи одличниот центаршут на Шпорар и лесно погоди од 7-8 метри осамен пред голот на Столе Димитриевски.
Голем противник на мечот што се игра на „Стожице“ во Љубљана ни е и шпанскиот судија Хавиер Естрада Фернадес, кој ни додели дури четири жолти картони само за 20 минути од почетокот на мечот.
