Младен Жижовиќ е нов тренер на екипата на Шкупи. 42-годишниот тренер од БиХ, Жижовиќ доаѓа на местото на Џихат Арслан кој поради семејни причини си замина од тимот.
Жижовиќ до неодамна седеше на клупата на Ал-Холод од Саудиска Арабија, а претходно работеше во Радник Бјелина, Зрињски и Слобода Тузла.
„Мило ми е што сум дел од тимот на ФК Шкупи, се надевам дека заедно во соработка со сите структури на клубот ќе придонесеме Шкупи да биде еден од кандидатите за титулата и за озлез на меѓународната сцена. Ќе се обидеме да го задржиме она што беше добро и да ја подобриме нашата игра, се надевам дека играчите ќе ја разберат оваа ситуација и ќе дадат голем придонес и со нетрпение го очекуваме следниот натпревар. Верувам во мојата работа и во кадарот што го имам, ќе задржиме дел од тие што биле, со нас ќе дојде асистент кој работеше со нас изминатиот период, така што мислам дека ќе направиме квалитетен кадар кој ќе знае и ќе може да им го пренесе знаењето на фудбалерите“, изјави Жижовиќ.
