Барселона во следните две недели ќе биде без дефанзивецот Жорди Алба. Шпанскиот репрезентативец се повреди за време на првото полувреме во дуелот против Борусија Дортмунд и мораше предвреме да ја напушти играта. На негово место влезе Серхи Роберто.
По направените контроли, било констатирано дека Алба има повреда на бутниот мускул на левата нога и ќе мора да мирува во следните 15-тина дена. Јасно е дека тој нема да биде подготвен за дуелите од шпанското првенство против Гранада, Вилјареал и Хетафе.
Се очекува Алба повторно да биде во составот на Барселона за дуелот против Интер, во второто коло од Лигата на шампиони. Тој дуел се игра на 2 октомври на „Камп ноу“.
