Доминик Тим успеа да направи пресврт и со 4:6,6:4,6:4 да го победи Џек Сок за полуфинале на тенискиот турнир во Париз. Влогот сега е голем, се игра за пласман во финалето, а Австриецот за првпат ќе игра против Карен Хачанов.
Рускиот тенисер неочекувано лесно се справи со Александер Зверев и го декласира за само 70 минути, со резултат 6:1, 6:2. За 22-годишниот тенисер од Москва ова е еден од најголемите успеси и сега во првиот меѓусебен дуел со Тим ќе се обиде да стаса до меч за титула во Париз.
Во вториот дел од костурот полуфиналистите ќе се знаат по деулите меѓу Новак Ѓоковиќ и Марин Чилиќ, односно Роџер Федерер и Кеи Нишикори, кои се играат вечерва.
