Аргентинците направија реконструкција со „Лего“ коцки на првиот меч од финалето на Копа Либертадорес помеѓу Бока јуниорс и Ривер плате. Средбата заврши 2-2, а за тие што не ги виделе головите, може да ги видат и на еден необичен начин, преку играта со фигурите.
Финалето предизвикува големо внимание во целиот свет, но најмногу во Аргентина, па група навивачи кои се заморени од гледање на головите на интернет и на телевизија од сите можни агли, најдоа интересен начин за да ги заинтригираат љубителите на фудбалот.
Од многуте фотографии, со стоп-кадар е направен клип во стил на цртаните филмови. Не само што има „фудбалери“, туку од коцки се направени и навивачи и стадионот.
Погледнете како овие навивачи го искористија слободното време и направија клип:
