Доминик Тим се пласираше во финалето на завршниот Мастерс во Лондон, откако во неверојатно драматичен меч со 2:1 во сетови го победи Новак Ѓоковиќ. Мечот кој траеше речиси три меча заврши со 7:5, 6:7 (10), 7:6 (6), а на крајот Австриецот се радуваше.
Во сите три сета се водеше жестока борба за секој поен. Во првиот сет, тенисерите беа успешни на свој сервис се до 5:5, кога Тим успеа да направи брејк за 6:5, а потоа стигна и до 7:5.
Двајцата тенисери беа сигурни на свој сервис во вториот сет, па по 6:6, мораше да се игра тај-брејк. Тука започна драмата. Тим имаше 6:5 и меч топка, но не ја искористи. Потоа пропушти и меч топка и на 7:6, па и на 9:8 и 10:9, за на крајот Ѓоковиќ да го добие тај-брејкот со 12:10.
Третиот сет беше копија на вториот. Тесниерите беа сигурни на свои сервиси и мораше повторно да се игра тај-брејк. Ѓоковиќ започна одлично и стигна до 4:0. Кога се очекуваше Србинот ритунски да освои уште три поени, се случи нов пресврт. Тим освои шест поени во низа за 6:4, а потоа Ѓоковиќ спаси уште една, петта по ред меч топка.
Сепак, во поенот кој беше шеста меч топка, Тим успеа да го добие и на крајот по два час и 54 минути игра, да се радува на пласман во финалето.
Вториот финалист ќе биде подобриот од вечерашниот дуел меѓу Рафаел Надал и Данил Медведев.
