Вулверхемптон води со 2:1 против Арсенал и успеа да направи пресврт со феноменалниот гол што го постигна Жоао Мутињо во 49-тата минута.
Португалецот во свој стил испрати неодбранлива бомба од околу 25 метри што заврши зад грбот на Бернд Лено. Голмаот на Топчиите се обиде со парада да одбрани, но беше немоќен, а топката од стативата заврши во мрежата на гостите.
Евроголот на Мутињо на почетокот на второто полувреме можете да го погледнете ОВДЕ.
Арсенал поведе со погодокот на Пепе во 32-рата минута, Топчиите беа надмоќни во првото полувреме и можеа да постигнат уште некој гол, но промашувањата ги казни Рубен Невеш со израмнувачки гол од пенал во петтата минута од судиското продолжение во првото полувреме.
Притоа беше исклучен Давид Луиз, а домаќините ја искористија предноста од фудбалер повеќе и направија комплетен пресврт со голот на Мутињо.
