Марко Кизиќ бранеше одлично за Вардар на дуелот против Елверум, имаше 12 интервенции, но и немаше среќа со уште една одбрана во последните секунди да ја донесе победата против норвешкиот тим во меч од Лигата на шампионите.
Гостите имаа многу среќа и со голот на Петерсен на три секунди до крај израмнија на 34:34 и освоија бод, што ги задржа на седмото место во А групата со пет бода, еден повеќе од Вардар, но со меч повеќе.
https://twitter.com/ehfcl/status/1363529047741972480?s=20
Кизиќ бранеше одлично, но не успеа да го фати клучниот удар на Петерсен, па среќата беше на страната на Норвежаните.
Двете екипи повторно ќе играат во Скопје на 24. февруари, а Вардар ќе има шанса со победа да го прескокне Елверум во битката за што подобра позиција пред плејофот во Лигата на шампионите.
