ПСВ Ајндховен веќе се гледа во плејофот од Лигата на шампионите откако го доби првиот меч против Митјиланд со убедливи 3-0. Холандскиот гигант за околу половина час стигна до убедливата предност и без поголеми проблеми го надигра данскиот вицешампион.
Со фантастичен погодок од далечина, средбата на „Филипс стадионот“ ја отвори младиот Мадуеке во 19-тата минута. Точно 10 минути подоцна на 2-0 зголеми Геце, а конечниот резултат го постави Гакпо во 32-рата минута.
Шахтар Донецк со пресврт од 2-1 славеше на гостувањето кај Генк во првиот меч од третото квалификациско коло во ЛШ. Домаќините поведоа преку Онуачу во 39-тата минута, а во второто полувреме украинските гости ја презедоа иницијативата.
Пеналот на Тете во 63-тата минута донесе израмнување, па Алан Патрик го комплетира пресвртот во 81-вата минута.
https://streamable.com/rwuadc
Јанг бојс беше на прагот од минимален пораз на гости кај Клуж, но Сиеро израмни на 1-1 во третата дополнителна минута.
