Ракометната репрезентација на Данска ќе игра во финалето на Олимписките игри против Франција. Галските петли утрово се изборија за настап во мечот за златото, додека Данците предмалку со 27:23 го добија дуелот против Шпанија.
Микел Хансен беше незапирлив за шпанската одбрана. Херојот на Данска постигна дури 12 погодоци и е најзаслужен што неговата репрезентација ќе игра во финалето.
Данците имаа постојана контрола на резултатот и во ниту еден момент не дозволија Шпанија да дојде во водство. На средината од првото полувреме беше 10:6, а оваа предност од четири гола остана и на полувреме (14:10). Предноста од четири гола беше и на 19:15, а Шпанија во финишот на мечот стигнаа само на еден гол негатива (21:22), а Душебаев промаши напад за израмнување.
Во финишот, Данска заигра подобро и на крајот стигна до победа од 27:23 за место во финале, каде што ќе играат против Франција. Финалето ќе биде реприза од финалето на ЛОИ во Рио во 2016 година. Франција има една титула на ЛОИ и две светски и европски најсјајни одличја.
