Бразилките лесно и убедливо ја победија Јужна Кореја со 3:0 и ќе играат во финалето на одбојкарскиот турнир против омилениот ривал САД во битка за ново злато на Летни олимписки игри.
Првите фаворитки за круната покажаа светска класа и одлична одбојка против Јужнокорејките кои беа немоќни да спречат убедлив пораз во второто полуфинале во Токио.
Првите два сета им припаднаа на Бразилките со ист резултат, 25:16, а доминацијата продолжи и во последниот сет. Го добија Бразилките по третпат со 25:16 за трето финале на Летни олимписки игри.
Досега играа две финалиња, а и двете ги добија со ист резултат, со по 3:1 против познат ривал, САД, кого го победуваа во меч за златен медал во 2008 година во Пекинг и потоа на следните игри во Лондон во 2012 година.
Сега имаат шанса за хет-трик, откако Американките во првото полуфинале ја победија Србија со 3:0.
