Еден од најдобрите напаѓачи во изминативе десетина години, Серхио Агуеро неодамна имаше неочекувани здравствени проблеми. Аргентинецот во дресот на Барселона почувствува потешкотии во дишењето и мораше да го напушти теренот, а по лекарските прегледи беше констатирано дека има срцеви проблеми.
Лекарите препорачаа дека Агуеро треба да биде на тримесечна контрола од лекарите, а потоа да се даде поточна дијагноза, но денеска голем дел од светските медиуми објавија дека голгетерот ќе ја заврши кариерата.
Поради ваквите натписи, Агуеро реши да се обрати преку социјалните медиуми.
„По сите шпекулации кои се појавија, сакам само да ви кажам дека јас ги следам советите од клупските лекари, правам соодветни тестови и третмани. Подобрување треба да има по 90 дена. само позитивно“, порача Агуеро.
Ante los rumores les cuento que estoy siguiendo las indicaciones de los médicos del club, haciendo pruebas y tratamiento y ver mi evolución en el plazo de los 90 días. Siempre en positivo 🤟🏽
— Sergio Kun Aguero (@aguerosergiokun) November 12, 2021
Искусниот 33-годишен напаѓач ја игра првата сезона во Барселона и досега одигра само пет меча. Претходно одигра дури 10 години во дресот на Манчестер сити, каде е жива легенда со 260 погодоци во 390 натпревари.
