Пред неколку дена беше најавено, а денеска и самиот Том Брејди на 44-годишна возраст потврди дека се повлекува од активното играње американски фудбал.
Легендарниот квотербек на Њу Ингланд пејтриотс и Тамба Беј баканирс освои седум НФЛ-прстени, со што е убедливо на врвот, а и според најголемиот дел од фановите, тој е сметан за најголема легенда на овој спорт.
„Кога веќе чувствуваш дека не можеш да го дадеш максимумот, тогаш најдобро е да се откажеш бидејќи резултати нема да има.
Сакам да објавам дека ставам крај на мојата кариера и дека повеќе нема да играм активно фудбал и да имам договори со некоја од екипите. Иако ми е тешко ова да го кажам, но време е за пензија и посветување на некои други работи во животот, а ова поглавје беше дефинитивно едно од најдобрите ствари што ми се имаат случено.
Им благодарам на сите тие што веруваа во мене и ми дадоа шанса, а до сите навивачи исто така голема благодарност за поддршката и атмосферата на стадионите“, стои во дел од соопштението на легендарниот квотербек.
Брејди на драфтот во 2000 година беше дури на 199-тото место и имаше дури седум квотербекови пред него на таа листа, а шанса за докажување му даде Бил Беличик и Њу Ингланд пејтриотс, каде што ги однесе до шест НФЛ-титули.
View this post on Instagram
