Вардар блесна кога беше најтешко и приреди првокласен подвиг со победа против Монпелје на гостински терен во Лигата на шампионите со 28:25.
По црната серија од 7 порази во елитното натпреварување, конечно двојниот европски првак играше шампионски и го изненади лидерот во А групата со победа што може да биде клучна за настап во осминафиналето.
Мартин Томовски беше фантастичен и со 13 одбрани беше творец на победата на „црвено-црните“.
Оливие Њокас го предводеше нападот на Вардар со пет гола, а сите линии кај гостите функционираа беспрекорно.
WATCH: Olivier Nyokas takes to the air to add to the @HCVardar goal total #ehfcl
See the action live https://t.co/IvVYbSMq1y pic.twitter.com/wIzTNY0uCv— EHF Champions League (@ehfcl) February 16, 2022
Вардар почна одлично и постојано водеше, а Монпелје само еднаш имаше предност на мечот, во средината на првиот дел, кога беше 6:5 за домаќинот.
Македонскиот шампион брзо ја врати предноста и на полувреме замина со предност од 14:10.
Потоа следуваше фуриозна серија од 7:3 и на семафорот стоеше 21:13 за Вардар.
Монпелје се обиде да се врати во игра, намали на 2 гола разлика, но нашиот првак се радува на многу вредна победа.
Ова е и прва победа за тренерот Давид Дејвис со Вардар во Лигата на шампионите.
Томовски беше централна фигура со 13 одбрани, Оливие Њокас постигна пет гола, а Стоилов погоди 4 пати за тимот што конечно одигра како што му доликува на двоен европски првак и ги израдува своите симпатизери.
Вардар сега има 7 бода на шестото место во А групата по 11 натпревари и е на позиција што гарантира настап во нокаут-фазата.
