Бенфика и Ајакс можеби не се екипи кои сезонава се конкурентни да стигнат до титулата во Лигата на шампионите, но тоа се два клуба коишто имаат посебна историја, традиција и успеси.
Бенфика е двократен европски шампион, а 37 пати била и првак во Португалија. Ајакс на своето конто има дури четири европски титули и 35 трофеи во првенството на Холандија.
Двата клуба низ историјата создале голем број ѕвезди. Од школата на Ајакс излегле ѕвезди како што се Златан Ибрахимовиќ, Кларенс Сидорф, Рафаел ван дер Варт, Денис Беркамп, како и еден од најголемите на сите времиња, Јохан Кројф.
Од школата на Бенфика тука се играчи како Рубен Дијас, Жоао Кансело, Бернардо Силва и Жоао Феликс, но и легендата на едно време, Еузебио. Овие два клуба дефинитивно ги имаат едни од најдобрите академии.
Едноставно, Бенфика и Ајакс се клубови кои низ историјата на фудбалот донесле голема слава, афирмирале многу фудбалери и го имаат тоа што некои клубови кои се дел од Лигата на шампионите, како ПСЖ, Манчестер сити и Челзи, не може да го купат без разлика колку пари и моќ поседуваат во моментов.
♟♟
Built on history. pic.twitter.com/pVc90ycfJW
— AFC Ajax (@AFCAjax) February 23, 2022
