Марио Балотели се сели во Турција ќе игра за Фенербахче, според најавите на неговиот менаџер и еден од најдобрите на светот Мино Рајола.
Супер Марио правеше супер проблеми и во Ница, се скара со легендата Патрик Вјеира, кој е тренер на францускиот прволигаш и ќе мора да си оди.
Ќе биде интересно да се види како Балотели ќе функционира во Фенербахче, клуб кој бележи слаби резултаи и атмосферата во тимот не е на ниво. Марио против своја волја ќе се сели во Турција, откако изјави дека сака пак да игра во Серија А, што е најава за нови проблеми.
За Фенербахче игра македонскиот репрезентативец Елиф Елмас, клубот е трет одоздола на табелата, па вистинскиот Балотели, кога не прави проблеми ќе им биде добредојден. Но, ако му се врати навиката да прави проблеми ќе биде пеколно тешко за соиграчите на Супер Марио, секако и за Елмас.
