Само по четири кола, Реал Мадрид обезбеди место во нокаут-фазата од Лигата на шампионите откако синоќа освои бод на гостувањето кај Шахтар, играјќи 1:1. Кралскиот клуб се спаси од првиот пораз сезонава благодарение на голот на Антонио Рудигер во 90+5 минута.
Дефанивецот на Реал се најде во нападот и по еден центаршут, успеа со глава да погоди во мрежата на домаќините. Голманот на Шахтар наместо да ја удри топката, го нокаутира Рудигер, кој заработи голема расекотина на главата и почна да му тече многу крв. На крвавиот дрес на Рудигер се појави и едно срце.
По мечот, повредата на Рудигер беше санирана со 20 конци, а тој преку социјалните мрежи најави дека е добро.
„Тоа што нема да те убие, ќе те направи посилен. Добро сум. Ви благодарам на сите за вашите пораки“, напиша Рудигер.
What doesn’t kill you makes you stronger 👊🏾 I am okay – thanks for all your messages 🤞🏾🙏🏾 #Hustle #AlwaysBelieve pic.twitter.com/ynnLw5Cjfo
— Antonio Rüdiger (@ToniRuediger) October 11, 2022
За денеска се закажани дополнителни лекарски прегледи за дефанзивецот на Реал. Кралевите в недела на „Сантијаго Бернабеу“ се домаќини на Барселона во Ел Класико, па останува лекарите да одлучат дали Рудигер ќе биде подготовен за тој дуел или ќе мора да паузира.
