Фудбалерите на Баерн Минхен во меч кој порано се нарекуваше дерби, вечерва оствариа рутински триумф на гостувањето во Гелзеркинхен кај Шалке. Актуелниот шампион во Бундеслигата славеше со 0:2.
Случувањата на теренот покажуваа дека победата на Баерн Минхен не беше доведена во прашање ниту еден момент, дури и кога резултатот беше 0:0, баварците одиграа колку што им требаше за да остварат триумф .
https://twitter.com/i/status/1591515940956823552
Резултатот беше отворен во 38-та минута кога Мусијала во шеснаесетникот со пета одигра двојно додавање до Гнабри, кој успеа да погоди за 0:1.
Конечниот резултат го постави Чупо-Мотинг во 52-та минута, повторно по асистенција на Мусијала. Младиот Мусијала е неверојатен сезонава, одигра 22 натпревари во сите конкуренции има 12 гола и 10 асистенции, додека Гнабри има по 10 гола и асистенции.
Со триумфот и новите три бода, Баерн Минхен по 15 кола има 34 бода, шест повеќе од Лајпциг.
