Лука Дончиќ повторно блескаше на НБА меч, го забележа 50-от трипл-дабл во кариерата со што е вториот најбрз кошаркар во историјата на НБА лигата што ја минал педесетката в најмал број натпревари.
Ноќеска Словенецот постигна 33 поени, имаше 12 скока и 11 асистенции во победата на Далас маверикс против Денвер нагетс со 127:99.
The complete list of players with 50 career triple-doubles before the age of 25:
Oscar Robertson (23 years, 42 days)
Luka Doncic (23 years, 263 days)
Magic Johnson (24 years, 91 days) https://t.co/WKPvuke4aI— NBA History (@NBAHistory) November 19, 2022
За 50-ти трипл-дабл во најмоќната кошаркарска лига на светот на Лука му требаа 278 натпревари, само еден помалку од легендарниот Меџик Џонсон, а само зад Оскар Робертсон.
Дончиќ влезе и во Топ-10 друштвото на кошаркари што во НБА имаат 50, или повеќе трипл-дабли.
Congrats to @luka7doncic of the @dallasmavs for becoming the 10th player in NBA History to record 50 career triple-doubles! pic.twitter.com/OiSjQTdoRA
— NBA (@NBA) November 19, 2022
На чело на листата е Расел Вестбрук и тоа убедливо со бројка од дури 194 трипл-дабл учиноци.
Веднаш зад него е Оскар Робертсон со 181, а токму тој најбрзо стаса до 50 трипл-дабли.
На легендата од минатиот век му требаа само 111 натпревари за да ја забележи педесетката.
5️⃣0️⃣ career triple-doubles.
Luka is the 2nd fastest player to 50 triple-doubles in NBA history. pic.twitter.com/19KLbbVxpu
— NBA on ESPN (@ESPNNBA) November 19, 2022
На индивидуален план ноќта со 11 натпревари ја одбележаа и Кевин Букер со 49 поени за Феникс санс во поразот од Јута џез на гости со 134:133, потоа и Марканен кој постигна 38 на истиот меч, но за Џезерите.
Во пораз на Чикаго булс од Орландо меџик со 107:108, дури 41 поен постигна Демар ДеРозен, а топ-партија одигра и Ентони Дејвис за Лос Анџелес лејкерс со 38 поени и 16 скока, а Шоумените го победија големиот ривал Детроит пистонс со 128:121.
Ефикасни беа и Дариуш Гарланд со 41 поен и Динован Мичел со 34 во победата на Кливленд против Шарлот со 132:122 по продолженија, а на поразената страна блескаше Кели Убре јуниор исто така со 34 поени.
Останати резултати: Вашингтон – Мајами 107:106 по продолженија, Филаделфија – Милвоки 110:102, Хјустон – Индијана 91:99, Мемфис – Оклахома 121:110, Њу Орлеанс – Бостон 109:117, Голден стејт – Њујорк 111:101.
