Кошаркарите на Филаделфија со фантастичен финиш најпрво успеаја да се спасат од пораз и да се изборат за продолжение, а потоа и да го победат Њујорк никс со 106-112, со што го намалија резултатот на 3-2 во серијата. Домашните имаа +6 на 28 секунди пред крајот, но гостите со пеколен финиш се изборија за нерешено, 97-97.
На 3-2 во серијата намали и екипата на Милвоки бакс, откако без поголеми проблеми ја совлада Индијана со 115-92. Гостите имаа водство само во првата четвртина, а потоа следуваше пресврт и убедлива победа на домашните.
Кливленд дојде во предност од 3-2 против Орландо, откако победи со само пола кош разлика, 104-103
