Во последниот натпревар на вториот ден од Светското првенство во Катар, Велс и САД одиграа без победник 1:1 во натпревар во кој двете селекции доминираа по едно полувреме.
Првото полувреме им припадна на Американците, а второто на Велшаните, кои во првиот меч по пауза од 64 години (последен настап им беше во Шведска 1958) од пораз ги спаси капитенот и најдобриот играч, Герет Бејл.
Првото полувреме им припадна на фудбалерите на САД, кои доминираа на теренот на стадионот „Ал Рајан“, притоа недозволувајќи им на Велшаните да упатат ниту еден удар кон голот на Мет Тарнер.
Tim Weah scores @USMNT's first goal of the 2022 #FIFAWorldCup pic.twitter.com/WbPqwNbWAk
— Gabriel Schray (@schrayguy) November 21, 2022
Фудбалерите на САД доминацијата ја крунисаа со голот на Тимоти Веа во 36-тата минута, по одличната асистенција на Пулишиќ.
Во второто полувреме, настаните беа поинакви, Американците се одлучија да го бранат водството, а играчите на Велс фрлија сè на една карта, на офанзивна игра.
Првата голема шанса Велс ја имаше во 65-тата минута, кога Бен Дејвис одлично шутираше со глава, но голманот на САД, Тарнер, успеа да го одбрани ударот и топката ја испрати во корнер.
Сепак, Велс од пораз се спаси во 82-рата минута, кога Герет Бејл постигна гол од пенал за конечни 1:1.
A goal Wales have waited 64 years for, it had to be Gareth Bale… 🏴 pic.twitter.com/MgxWvVpM4g
— The Away Fans Videos (@TheAwayFansVids) November 21, 2022
