Тренерот на Порто, Сержо Консеисао, се надева дека како и ривалот Бенфика, и неговиот тим ќе се пласира во четвртфиналето на Лигата на шампионите во фудбал.
Но, задачата на Порто не е лесна, треба да го елиминираат Интер, од кого на првиот меч во Милано загубија со 0-1.
„Сакам мојот тим да биде агресивен и интелигентен. Ќе ни требаат интензитет и пресинг. Ќе биде неизвесен и тежок меч. Знам дека фановите на Порто сакаат само победа. Дали играта ќе биде приспивна или агресивна, дали ќе победиме со виолина или тапани, дали ќе биде опера или тивка музика, за навивачите е сеедно, а и за мене“, рече Консеисао, кој вечерва не може да смета на суспендираниот Отавио и повредениот Жоао Марио.
