На Светското првенство во мечување се случи настан кој привлече големо внимание во светот. Украинката Олга Харлан ја победи Русинката Ана Смирнова, но беше дисквалификувана поради одбивање да се ракува со противничката.
Не само тоа, туку Харлан го сврти отворениот меч со врвот кон Русинката, што е строго забрането. Русинката поднесе жалба и еден час остана на борилиштето барајќи службена победа.
Прво беше одлучено Украинката да оди во следното коло, но потоа беше донесена друга одлука, па и за неа првенството е завршено поради неспортскиот гест.
