Фудбалерите на Арсенал на најдобар начин ја прекинаа серијата од осум порази одноподруго од Манчестер сити, постигнаа гол во 101-та минута, а потоа по подобро изведување на пенали во мечот кој ја најавува новата сезона, во Комјунити шилд.
Топчиите успеаја да се спасат од пораз со гол во 101 минута и тоа благодарение на голот на Тросар. Голот на Тросар во последните моменти од мечот може да го погледнете ТУКА.
Претходно, во 77-та минута, Кол Палмер го отвори резултат. Голот на Палмер може да го видите на следниот ЛИНК.
Според правилата, по завршувањето на регуларниот дел од мечот, веднаш се започна со изведување на пенали и тука подобри пеналџии се покажаа Топчиите.
Кевин де Брујне и Родри не успаја да го совладаат Арон Рамсдејл, додека за Арсенал прецизни од белата точка беа Одегард, Тросар, Сака и Виеира.
Ова е вкупно 17-ти триумф на Арсенал во Комјунити шилд.
