Екипата на Ријека е нов лидер во хрватското првенство, откако вечерва го доби Јадранското дерби против сплитски Хајдук со 1-0. Единствениот погодок на мечот беше дело на Никоа Јанковиќ од пенал во 63-тата минута.
Македонскиот репрезентативец, Александар Трајковски, мечот го започна од клупата, а шанса за настап од тренерот на Хајдук доби на полувремето, кога влезе на местото на Ентони Калик.
Со оваа победа Ријека се искачи на првата позиција на табелата со 22 бодови, еден повеќе од Хајдук и шест повеќе од Динамо Загреб, кој има и два натпревари помалку.
