Данска беше подобра од Норвешка со 29-23 и донесе двојна радост на северот на Европа бидејќи не само што самите обезбедија полуфинале на Европското првенство во ракомет, туку им донесоа место во полуфиналето и на Швеѓаните кои се актуелни европски прваци.
Данците ги добија сите мечеви досега на ЕП, го освои првото место, па во последното коло од втората групна фаза против Словенија може да си ги чува силите за полуфиналето за кое има неколку потенцијални противници.
Данска на денешниот меч дојде до бројка од 3.000 голови на европските првенства, станаа трета земја со таков подвиг после Франција и Хрватска.
Шведска веројатно во полуфиналето за ривал ќе ја има Франција, но ќе треба да се почека најрано до утре за потврда.
