Не стивнуваат реакциите по контроверзниот вчерашен меч во Мадрид, на кој Реал со 3-2 ја победи Алмерија.
Судијата на терен по интервенција од ВАР-собата, трипати менуваше одлука и секогаш во полза на домашните.
Од Алмерија тврдат дека се оштетени, дека не им било дозволено да победат, а сметаат и дека на судијата на терен не му била презентирана снимка од сите агли и каде што се гледа дека топката го удира во рака Винисиус. Бразилецот даде гол кој прво беше поништен, па признат затоа што судијата гледајќи снимка, се увери дека голот е со шут со рамо.
Се појави аудиоснимка од разговор на судиите. Ернандес Ернандес, кој беше во ВАР-собата, му советуваше на Ернандес Маесо дека треба да досуди пенал за Реал, да го поништи голот на Алмерија за 3-1 и да го признае голот на Винисиус за 2-2, кој според него, бил со рамо.
Објавено е што си рекоа судиите:
ПЕНАЛОТ ЗА РЕАЛ МАДРИД:
ВАР СУДИЈАТА ЕРНАНДЕС: Фран, ти предлагам да ја разгледаш ситуацијата за можно играње со рака на дефанзивец на Алмерија. Ти прикажувам снимка од надземната камера за да може убаво да видите. Ти одлучи.
ФРАН МАЕСО: Перфектно, ќе досудам пенал за Реал Мадрид без жолт картон.
ПОНИШТЕН ГОЛ НА АЛМЕРИЈА:
ВАР СУДИЈА ЕРНАНДЕЗ: Фран, дојди и види ја оваа ситуација. Ви предлагам да погледнете можен прекршок во напад за погодокот.
МАЕСО: Да, тоа е навистина фаул во напад. Затоа ќе досудам прекршок во корист на Реал Мадрид и ќе му покажам жолт картон на играчот на Алмерија.
ПРИЗНАТ ГОЛ НА ВИНИСИУС:
ВАР СУДИЈАТА ЕРНАНДЕЗ: Ви предлагам да ја видите ситуацијата дека можеби нема рака. Дајте ми ја точната гледна точка и стопирајте во моментот на ударот.
МАЕСО: Дали топката му удира во раката?
ВАР: Го удира во рамото, вие само видете дали има прекршување на правилата.
МАЕСО: Се согласувам дека топката го удира во рамо, покажи ми ја ситуацијата одзади. Совршено, тој ја удира топката со рамо. Ќе го признаам голот, нема прекршување на правилата.
SINVERGÜENZAS‼️pic.twitter.com/du2T5FMTwW
— Zona Blaugrana (@Zona_Blaugrana) January 21, 2024
Тренерот на Реал, Карло Анчелоти, рече дека ги видел сите три спорни моменти и дека судијата донел правилни одлуки.
