Голманот на репрезентацијата на Белгија, Коен Кастелс, по завршувањето на Европското првенство, ќе направи трансфер во Саудиска Арабија. Кастелс претходните девет сезони беше дел од бундеслигашот Волфсбург, а сега како слободен фудбалер ќе потпише за новиот прволигаш од Саудиска Арабија, Ал-Кадисија.
Клубот е во сопственост на државната нафтена компанија на Саудиска Арабија, а голманот ќе потпише договор за три сезони. Селекторот на Белгија неодамна одлучи токму Кастелс за биде прв голман на репрезентација, а токму тој беше прв избор и на пријателските мечеви против Црна Гора и Луксембург пред Европското првенство. Кастелс досега има 10 настапи за репрезентацијата на Белгија, која на континенталниот собир е во групата Е, заедно со селекциите на Романија, Украина и Словачка.
