По многубројните најави и шпекулации, сега е и официјално. Брони Џејмс доаѓа во НБА лигата. Најстариот син на Леброн Џејмс е избран како 55 пик на драфтот и тоа од тимот на Лос Анџелес лејкерс.
Со доведувањето на Брони, на чекор е остварување на нешто неверојатно, а тоа е во НБА лигата заедно да играат татко и син. Брони и Кралот Џејмс се очекува да исишат историја на почетокот на новата сезона.
LeBron James and Bronny James become the first father and son duo to be in the NBA at the same time.
Now they are teammates on the Lakers! pic.twitter.com/dITQ4WQ9RA
— NBA (@NBA) June 27, 2024
Брони Џејмс јуниор во минатата сезона играше во НЦАА лигата каде го носеше дресот на УСЦ, каде за нешто помалку од 20 минути поминати на терен, имаше просек од 4,8 поени, 2,8 скока и 2,1 асистенции по меч.
Тинејџерот кој има само 19 години, минатото лето имаше сериозен здравствен проблем, откако преживеа срцев напад, па мораше да оди на операција. Брони Џејмс е познат по добриот шут од далечина, но и неверојатниот одраз. На последното мерење на одразот, тој „летал“ на 103 сантиметри висина со одразот.
Пофални зборови за младиот Џејмс имаше и неговиот нов соиграч, Ентони Дејвис.
„Одличен е во одбраната. Способен е да ја чита играта и е добар плејмејкер. Мислам дека за него не треба да се грижиме, но секако голем е притисокот врз него со оглед на тоа кој му е татко“, рече Дејвис.
Bronny James just crushed the 3-point star shooting drill at the NBA draft combine. 19/25, good for second place. pic.twitter.com/50UVXXy3GY
— Jonathan Givony (@DraftExpress) May 14, 2024
