Леброн Џејмс потпиша нов договор со Лос Анџелес лејкерс според кој во следните две години ќе заработи 104 милиони долари. Легендарниот Џејмс има 39 години и е најстар активен играч во НБА. Ако ги одработи и следните две години, ќе комплетира неверојатни 23 сезони во најсилната лига во светот.
Со договорот кој го потпиша, Леброн се осигури дека нема да биде „трејдуван“ ако тој самиот не се согласи. Тој бил согласен да добие и 20 милиони долари помалку во договорот ако Лејкерс решат да доведат еден од Пол Џорџ и Клеј Томпсон, но тоа не се случи.
Free agent LeBron James has agreed to a two-year, $104 million maximum deal to return to the Los Angeles Lakers, sources tell ESPN. Deal includes player option and no trade clause. pic.twitter.com/gAEOmvfAzZ
— Adrian Wojnarowski (@wojespn) July 3, 2024
Во минатата сезона, која беше 21-ва за Леброн, тој имаше просек од 25,7 поени, 7,3 скока и 8,3 асистенции по меч, а погодуваше 41 отсто од шутевите за тројка, што е негов најдобар процент.
Во сезоната која следи, во НБА треба да биде испишана историја во која Џејмс ќе заигра заедно со својот син Брони јуниор Џејмс, кој беше избран како 55-ти пик на драфтот, и тоа од ЛА лејкерс.
