Одличната форма на македонските фудбалери кои настапуваат во првенството на Шкотска продолжува и во второто коло. Данди јунајтед втор натпревар по ред несреќно останува без целиот плен, откако со гол во 95-тата минута остана без победата на гостувањето кај Рос каунти.
Давид Бабунски во 48-мата минута го донесе Данди јунајтед во водство од 0-1, но на крајот се покажа дека тоа не е доволно за победа. Освен Бабунски, дел од првата постава на Данди јунајтед беше и Кристијан Трапановски, а двајцата беа заменети во 80-тата минута.
За Давид Бабунски, кој е и капитен на Данди јунајтед, ова беше четврти погодок во шесттиот настап за новиот клуб.
За екипата на Мадервил настапи Давор Здравковски, кој беше заменет во 76-тата минута во поразот од 2-1 од Глазгов ренџерс.
