Новата сезона во англискиот фудбал започна со дуелот меѓу великаните Манчестер јунајтед и Манчестер сити, а Граѓаните се радуваа на трофејот во Комјунити шилд, и тоа дури по подобро изведување на пенали.
Вечерва започнува едно друго големо натпреварување, популарниот Лига куп. Во првото коло кое започнува денеска ги нема премиерлигашите кои ќе се вклучат од второто коло.
Во Лига купот учествуваат екипите од првите четири ранга на натпреварувањата, дури 92 клуба. Во ова натпреварување, најголем дел од големите клубови решаваат да играат со резервните состави или на терен да ги пуштат играчите кои многу поретко добиваат минутажа за настап.
Низ историјата имало разни изненадувања, а последното големо изненадување се случи во 2013 година, кога освојувач на трофејот беше екипата на Свонси, која тогаш беше дел од Премиер лигата.
Денеска и утре ќе се играат дури 35 меча од првото коло на ова натпреварување.
