Таткото на Ламин Јамал е во животна опасност откако е прободен со нож на паркинг во Матаро, близу до Барселона, информираат каталонските медиуми. Тој веднаш е пренесен во болницата „Кан Рути“, каде што лекарите се борат за неговиот живот.
Полицијата веднаш почна со истрага, а првите информации велат дека Мунир Насрауи, таткото на Ламин Јамал, пред неколку дена учествувал во улична тепачка. Се истражува дали овој напад е последица на претходниот инцидент.
Засега нема поконкретни информации за здравствената состојба на таткото на Јамал, освен дека е згрижен во болница и дека лекарите се борат за неговиот живот.
