Шпанскиот репрезентативец и играч од средниот ред на Манчестер сити, Родри, беше прогласен за најдобар на годинешната церемонија за доделување на Златната топка.
По церемонијата, на интернет се појави снимка на која се гледа како Родри ја прославува својата награда на звуците на „Бела Чао“, позната италијанска антифашистичка песна од Втората светска војна.
Во текот на прославата, Родри и присутните го променија текстот и наместо „Бела Чао“, пееја „Винисиус Чао“.
🔥 ¡RODRI SE ACUERDA DE VINICIUS celebrando el BALÓN DE ORO!
— El Chiringuito TV (@elchiringuitotv) October 29, 2024
👀 El Manchester City sube… y borra un vídeo del mediocentro festejando su galardón.
‼️ '¡Vini ciao, Vini ciao, ciao, ciao!' pic.twitter.com/HOjd86eQ9K
Реал Мадрид одлучи да ја бојкотира церемонијата, а медиумите во Шпанија посветија големо внимание на оваа тема, дури и повеќе отколку на фактот дека Шпанија доби нов носител на „Златната топка“, првпат по Луис Суарес во 1960 година.
Прославата на Родри исто така привлече големо внимание.
Родри се огласи и објасни што се случувало таа вечер, истакнувајќи дека не сакал да искаже непочитување кон Винисиус јуниор, кој го заврши гласањето за „Златната топка“ на второто место.
„Луѓето треба да разберат дека тоа е здраво ривалство. Беше приватна прослава. Ако ставиме камера во секој дом… не покажав непочитување, тоа е само ривалство. Го почитувам Винисиус“, изјави Родри.
