Репрезентацијата на Фарски острови извојува победа од 1-0 на гостувањето кај Ерменија, што за Фараните е прва победа во групата од Лигата на нации во која е и Македонија.
Тимот од групата острови на северот на Европа, славеше во Ереван со гол од пенал кој го реализираше Давидсен во 33-та минута. Со оваа победа, Фарски острови изби на второ место во групата со 6 бода, а прва е Македонија со 10.
Ова значи дека Македонија вечерва против Летонија со победа, реми или пораз до два гола разлика, ќе го осигура првото место и преселбата во Лига Б од Лигата на нации, а сега главна цел е да собереме што повеќе бодови за да се пробиеме до баражите за СП 2026.
