Селекторот на Летонија, италијанскиот Паоло Николато, беше задоволен од играта на неговиот тим иако поразени си заминуваат од Македонија.
„Разочаран сум од резултатот. Во Лигата на нациите се трудиме на секој меч да направиме добар резултат. Но, најважно е дека одигравме добар меч против многу добар ривал. Најважно е дека сум задоволен од нашиот пристап на теренот“, рече предводникот на Летонија во кратката реакција по поразот од 0:1 во Скопје.
